之前同小小豬網上報名參加左作文比賽，幸運地可以得到優異獎，所以今日就嚟參加頒獎典禮同導賞團。
香港新聞博覽館之前都好想嚟，不過總係覺得有點遠，一諗起要行條長長斜路就怕怕，所以一直都未有行動(但..其實都只係PMQ後面...哈哈)。
一個以香港新聞傳媒為主題嘅展覽館，由報紙、電台、電視同埋數位媒體都有提及，估佢唔到又幾多嘢睇，仲見到香港第一份出嘅報紙添。
不過，最令小小豬鐘意就係嗰個偽新聞報導員遊戲，係完全冇事前準備之下又報導得幾好，所以話....講嘢完全係佢嘅強項，大家可以估計佢平日係屋企係可以NON-STOP講唔停呀...唉.....哈哈哈~
如果大家路過PMQ，都可以考慮嚟行下，但因為疫情關係，公眾導賞團暫停，不過都可以自己睇展板了解嘅(免費入場嘅，不過玩偽新聞報導員學生價就$50)。
香港新聞博覽館 Hong Kong News-Expo
Search